47

منافع خوروں نے رمضان المبارک کو عوام کیلئے پریشانی اور مشکلات کا مہینہ بنا دیا ہے۔میاں اسلم

Spread the love

اسلام آباد (شاہدمحمود) نائب امیر جماعت اسلامی پاکستان وسابق ممبر قومی اسمبلی میاں محمد اسلم نے کہا ہے کہ منافع خوروں نے رمضان المبارک کو عوام کیلئے پریشانی اور مشکلات کا مہینہ بنا دیا ہے ،یکم رمضان سے حکو مت کی جانب سے جاری کر دہ رمضان آرڈنینس پرعملدرآمدکرانا ضلعی انتظامیہ کی ذمہ داری تھی مگرپہلے دن سے بازاروں میں پرائس کنٹرول کمیٹیوں کا کردار اکہیں نظر نہیں آیا ،روزمرہ اشیاءکی قیمتیں دوگنا ہو گئی ہیں ۔انھوں نے کہا یوٹیلٹی سٹورز اور رمضان بازاروں میں ناقص اور مہنگی اشیاءخوردونوش کی فروخت عوام کو ریلیف فراہم کرنے کے حکو متی دعوئے جھوٹے ثا بت ہو رہے ہیں ۔ان خیالات کا اظہار انھوں نے جھنگی سیداں میں افطار پارٹی سے خطاب کر تے ہو ئے کیا ۔اس موقع پر امیر جماعت اسلامی اسلام آباد نصراللہ رندھاوا، ارشد مرزااور عزیزالرحمن نے بھی خطاب کیا
میاں محمد اسلم نے کہاالیکشن کے موقع پر موجودہ حکمرانوں نے عوام کو مسائل کے دلدل سے نکالنے کے بڑے دعوے کیے تھے مگر بد قسمتی سے وہ بھی محض چہروں کی تبدیلی لانے کے سوا کچھ نہیں کرسکے جبکہ ہر گزرتے دن کے ساتھ عوام میں اضطراب ، بے چینی اور مایوسی بڑھتی چلی جارہی ہے۔ انہوں نے کہا کہ رمضان اللہ عزوجل کا خاص تحفہ اور مسلمانوں کیلئے بخشش و توبہ قبول ہونے کا مہینہ ہے ، اس میں جھوٹ بولنے ذخیرہ اندوزی کرنے ، کم تولنے کرنےوالے رمضان کے فیض اور بر کات سے محروم رہتے ہیں ۔
امیر جماعت اسلامی اسلام آباد نصراللہ رندھاوا نے کہا حکومتی سبسڈی کے باوجود سستے رمضان بازاروں میں دستیاب اشیاءکی قیمتیں اور کوالٹی تسلی بخش نہیں ،بازاروں میں سرکاری مقرر کردہ نرخوں کی کھلم کھلا خلاف ورزی کی جارہی ہے، جبکہ متعلقہ ادارے خاموش تماشائی بنے بیٹھے ہیں۔ انھوں نے کہامہنگائی آسمان سے باتیں کررہی ہے اور عوام کا کوئی پرسان حال نہیں۔ موجودہ حکمرانوں نے بھی عوام کو شدید مایوس کیا ہے۔

اس خبر پر اپنی رائے کا اظہار کریں

اپنا تبصرہ بھیجیں