40

میونسپل کمیٹی کی نا اہلی

Spread the love

گوجرانوالہ…
قلعہ دیدار سنگھ(نامہ نگار)اپنی نااہلی چھپانے کیلئے میونسپل کمیٹی نے ایف آئی آر میں
نامزدکیے گئے 2فوت شدگان کی جگہ بیٹوںکو نامزدکردیا،گزشتہ روز میونسپل کمیٹی کی طرف سے 9افراد کیخلاف مقدمہ درج کیا گیا تھا جن میں دو افراد فوت ہوچکے تھے، غلطی سے نام لکھے گئے تھے مقامی تھانہ میں درخواست دے کر درستگی کروا لی ہے،چیف آفیسر میونسپل کمیٹی محمد یوسف۔تفصیل کے مطابق گزشتہ روز میونسپل کمیٹی قلعہ دیدارسنگھ کی طرف سے ناجائز تجاوزات قائم کرنے کی وجہ سے ایک ہی گلی کے 9افراد کیخلاف تھانہ قلعہ دیدار سنگھ میں ایف آئی آر درج کروائی گئی تھی جس میں سے محمدسلیم خان اور سیٹھ ریاض کو بھی نامزد کیا گیا تھا جو کافی عرصہ پہلے فوت ہوگئے ہیں،اپنی نااہلی چھپانے کیلئے چیف آفیسر میونسپل کمیٹی قلعہ دیدار سنگھ محمد یوسف نے تھانہ میں درخواست دے کر فوت شدگان کی جگہ ان کے بیٹوں طاہر سلیم خاںاورحافظ حسن کو نامزد کردیا،بتایا گیا ہے کہ حافظ حسن ماہ رمضان میں نماز تراویح پڑھا رہے ہیں حافظ قرآن ایف آئی آر میں ناجائزنام آنے سے ذہنی دبائو کا شکار بھی ہوا ہے،جبکہ محمد یوسف کا کہنا ہے کہ غلطی سے بیٹوں کی جگہ والد کے نام لکھے گئے تھے مقامی تھانہ میں درخواست دے کر درستگی کروا لی گئی ہے.

اس خبر پر اپنی رائے کا اظہار کریں

اپنا تبصرہ بھیجیں