145

ساہیوال۔ہفتہ شان رحمت العالمین کے سلسلے میں یونیورسٹی آف ساہیوال میں قرآت،نعت اور تقاریری مقابلہ جات منعقد ہوئے۔

ساہیوال (بیوروچیف)ہفتہ شان رحمت العالمین کے سلسلے میں یونیورسٹی آف ساہیوال میں قرآت،نعت اور تقاریری مقابلہ جات منعقد ہوئے جس میں یونیورسٹی کے تمام شعبوں سے تعلق رکھنے والے طلبا و طالبات نے بھر پور شرکت کی -تقاریب کا انعقاد یونیورسٹی کی مجید امجد لٹریری سوسائٹی نے کیا تھا -ان تقاریب میں مہمان خصوصی ڈائریکٹر پبلک ریلیشنز ساہیوال محمد عقیل اشفاق تھے جبکہ اس میں سوسائٹی کے پیٹر ن مبشر سعید اور ڈاکٹر شافیہ افتخار،رجسٹرار اصغر علی شاہ، ڈائریکٹر سٹوڈنٹ افیئرز ڈاکٹر عبدالحمید اور فکیلیٹی ممبران نے بڑی تعداد میں شرکت کی -نتائج کے مطابق قرآت مقابلوں میں بی بی اے کے طالبعلم ابوبکر نے پہلی،اکنامکس کے اظہار الحق نے دوسری اور سائیکالوجی کے حمزہ جاوید نے تیسری پوزیشن حاصل کی،نعت کے مقابلوں میں سائیکالوجی کے حماد انور نے پہلی،اکنامکس کے اظہار الحق نے دوسری اور لاء کی روشن الحق نے تیسری پوزیشن حاصل کی -اسی طرح تقاریر کے مقابلوں میں لاء کے محمد طیب نے پہلی،بزنس ایڈمنسٹریشن کے موصوم علی نے دوسری اور کیمسٹری کے عامر سہیل نے تیسری پوزیشن حاصل کی – تقاریب کے اختتام پر مہمان خصوصی ڈائریکٹر پبلک ریلیشنز ساہیوال محمد عقیل اشفاق اور ڈائریکٹر سٹوڈنٹ افیئرز ڈاکٹر عبدالحمید نے پوزیشن حاصل کرنے والے طلبا وطالبات میں شیلڈز بھی تقسیم کیں –

اس خبر پر اپنی رائے کا اظہار کریں