58

حکومت کی ہدایت پررمضان المبارک میں ریلیف فراہم کرنے کے لئے ضلع بھر میں5رمضان بازار قائم کئے گئے ہیں.DCساہیوال

Spread the love

ساہیوال ڈپٹی کمشنر محمد زمان وٹو نے کہا ہے کہ صوبائی حکومت کی ہدایت پر عوام کو رمضان المبارک میں ریلیف فراہم کرنے اور معیاری اشیاءصرف سستے داموں فراہم کرنے کے لئے ضلع بھر میں5رمضان بازار قائم کئے گئے ہیں جہاں تمام اشیاءصرف وافر مقدار میں صبح9بجے سے شام6بجے تک دستیاب ہونگی -انہوں نے یہ بات ماڈل بازار میں قائم رمضان بازار میں انتظامات کا جائزہ لیتے ہوئے کہی -انہوں نے متعلقہ افسران کو ہدایت کی کہ وہ تمام رمضان بازاروں میں اشیاءصرف خصوصا پھل اور سبزیوں کی وافر فراہمی کو یقینی بنایا جائے اور حکومت کی طرف سے چینی اور آٹے پر ملنے والی سبسڈی کا فائدہ عوام کو براہ راست پہنچایا جائے -انہو ںنے کہا کہ تمام رمضان بازاروں میں گوشت اور پولٹری کے سٹال صبح 9سے 12بجے تک لگائے جائیں تا کہ عوام کو معیاری گوشت کی فراہمی ممکن ہو سکے -انہوں نے بتایا کہ تمام رمضان بازاروں میں سکیورٹی کے بھی انتظامات کئے گئے ہیںاور پولیس کے علاوہ سول ڈیفنس کے اہلکار بھی خدمات سر انجام دیں گے -ڈپٹی کمشنر محمد زمان وٹو نے ہدایت کی کہ تمام رمضان بازاروں میں چینی اور آٹے کے علیحدہ سٹال لگائے جائیں تا کہ عوام بغیر کسی تکلیف کے رعایتی نرخوں پر چینی اور آٹا خرید سکیں -انہوں نے محکمہ لائیو سٹاک کو ہدایت کی کہ وہ گوشت کی کوالٹی کو ہر صورت یقینی بنائیں اور رمضان بازاروں میں سپلائی کئے جانے والی گوشت کی چیکنگ بھی سخت کریں –

اس خبر پر اپنی رائے کا اظہار کریں

اپنا تبصرہ بھیجیں