کمشنر ساہیوال کی خصوصی ہدایت پر سستا آٹا فراہی کے لئے ڈویژن کی 26فلور ملز پر بھی خصوصی سٹال قائم

کمشنر ساہیوال ڈویژن محمد احسن وحید کی خصوصی ہدایت پر محکمہ فوڈ ساہیوال نے عوام کو معیاری اور سستا آٹا فراہم کرنے کے لئے ڈویژن کی 26فلور ملز پر بھی خصوصی سٹال قائم کر دیئے ہیں جہاں آٹا مارکیٹ سے 22روپے فی تھیلا سستا دستیاب ہے -یہ بات ڈپٹی ڈائریکٹر فوڈ ساہیوال شیخ عبدالرﺅف نے بتائی -انہوں نے کہا کہ ضلع ساہیوال کی 12،ضلع اوکاڑہ کی 10اور ضلع پاکپتن کی 4فلور ملز پر خصوصی سٹالز پر وافرمقدار میں آٹا 783روپے فی تھیلا دستیاب ہے جس کا مقصد عوام کو مزید ریلیف فراہم کرنا ہے -انہوںنے بتایا کہ کمشنر محمد احسن وحید کی نگرانی میں محکمہ خوراک مارکیٹ میں سپلائی کئے جانے والے آٹے کی کوالٹی کو روزانہ مانیٹر کر رہا ہے اور اس بات کو یقینی بنایاجا رہا ہے کہ عام آدمی کو معیاری آٹا دستیاب ہو -شیخ عبدالرﺅف نے مزید بتایا کہ ڈویژن کے تینوں اضلاع کی انتظامیہ نے فیئر پرائس شاپس بھی قائم کی ہیں جہا ں صوبائی حکومت کے نرخوں کے مطابق آٹا کا تھیلا 805روپے میں وافر دستیا ب ہے اور کہیں سے بھی آٹے کی قلت کی کوئی شکایت نہیں -انہوں نے مزید بتایا کہ آٹے کی کوالٹی سے متعلقہ کسی بھی عوامی شکایت پر فوری نوٹس لے کر کارروائی کی جاتی ہے اور اگر عوام کو کہیں بھی آٹے کی کوالٹی سے متعلق شکایت ہے تو وہ محکمے کے نوٹس میں لائیں تا کہ ایکشن لیا جا سکے –